أنا سلسبيل البردويل، بدأت رحلتي في العمل عن بُعد سنة 2019 كمصممة واجهات مستخدم ومسوقة رقمية. على مدار السنوات، عملت مع شركات ومشاريع عديدة من مختلف أنحاء العالم، وكنت دائمًا أؤمن إن غزة فيها شباب وبنات عندهم طاقات جبارة، بس بيفتقروا للدعم والمساحة المناسبة للانطلاق.
خلال الحرب 2023، ومع تكرار النزوح وانقطاع الكهرباء والإنترنت، لاحظت قديش بيواجه المستقلين في غزة تحديات كبيرة. ناس عندها مهارات عالية وشغف، بس ما عندها وسيلة للوصول للعالم الخارجي، لا فرص عمل، ولا تدريب، ولا دعم حقيقي.
من هون، قررت أطلق منصة "غزة تالنت"، منصة هدفها تمكين المستقلين في غزة، وتوفير فرص عمل عن بعد، ودورات تدريبية مجانية تطور من مهاراتهم وتفتح لهم أبواب ما كانت ممكنة من قبل.